Sulagna speaks:
ଶିବ ହେଉଛନ୍ତି ସମସ୍ତ ଜ୍ଞାନ ଓ ପ୍ରଜ୍ଞାର ଆଧାର l ସେ ତେଜସ୍ବୀ ମୁନି ଓ ଆଦର୍ଶ ଯୋଗୀ l ତାଙ୍କର ବର୍ଣ୍ଣ ଶୁଭ୍ର ଓ ଏହି ଶୁଭ୍ରାତା ହିଁ ଆମମାନଙ୍କୁ ନିର୍ମଳ ହୃଦୟ ଓ ସତଚିନ୍ତା ସମ୍ପର୍କରେ ସଂକେତ ଦିଏ। ଶିବ ହେଉଛନ୍ତି ତ୍ୟାଗ ର ଠାକୁର। ଯିଏ ସମାଜ ଓ ପରିବାର ପାଇଁ ବିଷ ପାନ କରି ନୀଳକଣ୍ଠ ହୋଇପାରନ୍ତି।
ଶିବଙ୍କ ସଂହାର ଅର୍ଥ ନାଶ ନୁହେଁ, ବରଂ ନୂତନ ସୃଷ୍ଟି ପାଇଁ ପଥ ପ୍ରସ୍ତୁତ କରିବା।ତାଙ୍କ ମାଥାରେ ଚନ୍ଦ୍ର, ଜଟାରୁ ଗଙ୍ଗା ନଦୀ ପ୍ରବାହିତ, କଣ୍ଠରେ ସର୍ପ ଓ ହାତରେ ତ୍ରିଶୂଳ ରହିଥାଏ। ଏହି ସମସ୍ତ ଚିହ୍ନ ଶିବଙ୍କ ଶକ୍ତି ଓ ତ୍ୟାଗର ପ୍ରତୀକ
ମହା ଶିବରାତ୍ରି ହେଉଛି ହିନ୍ଦୁ ଧର୍ମର ଏକ ପବିତ୍ର ଓ ଗୁରୁତ୍ୱପୂର୍ଣ୍ଣ ପର୍ବ। ଏହା ଫାଲ୍ଗୁନ ମାସର କୃଷ୍ଣ ପକ୍ଷର ଚତୁର୍ଦ୍ଦଶୀ ତିଥିରେ ପାଳନ କରାଯାଏ। ଏହି ଦିନ ଭଗବାନ ଶିବଙ୍କ ଆରାଧନା କରି ଭକ୍ତମାନେ ଉପବାସ ରଖନ୍ତି ଓ ରାତି ସାରା ଜାଗି ରହନ୍ତି, ଯାହାକୁ “ଜାଗର” ବୋଲି କୁହାଯାଏ।ଜାଗରର ମୂଳ ଅର୍ଥ ହେଉଛି ଜାଗି ରହିବା। କିନ୍ତୁ ଏହା କେବଳ ଶାରୀରିକ ଜାଗରଣ ନୁହେଁ, ବରଂ ଆତ୍ମିକ ଜାଗରଣର ପ୍ରତୀକ। ଏହି ଦିନ ଭକ୍ତମାନେ ନିଜର ମନ ଓ ଆତ୍ମାକୁ ପବିତ୍ର କରିବା ପାଇଁ ପ୍ରାର୍ଥନା କରନ୍ତି।
ମହା ଶିବରାତ୍ରି ଆମକୁ ଶିଖାଏ ଯେ ଭକ୍ତି, ଶ୍ରଦ୍ଧା ଓ ନିଷ୍ଠାରେ ଭଗବାନଙ୍କୁ ପ୍ରାପ୍ତ କରାଯାଇପାରେ। ଏହା ଶାନ୍ତି, ଏକତା ଓ ଆତ୍ମଶୁଦ୍ଧିର ପର୍ବ। ତେଣୁ ମହା ଶିବରାତ୍ରି ବା ଜାଗର ଆମ ସମାଜରେ ଏକ ବିଶେଷ ସ୍ଥାନ ଦଖଳ କରିଛି।
ଭଗବାନ ଶିବ ତ୍ୟାଗ, ସହିଷ୍ଣୁତା ଓ ଧ୍ୟାନର ପ୍ରତୀକ। ସେ ଆମକୁ ଶିଖାନ୍ତି ଯେ ଜୀବନରେ ସଂଯମ ଓ ସତ୍କାର୍ଯ୍ୟ ଅତ୍ୟନ୍ତ ଜରୁରୀ। ତାଙ୍କ ଆରାଧନାରେ ମନ ଶାନ୍ତ ହୁଏ ଓ ଆତ୍ମିକ ଶକ୍ତି ବୃଦ୍ଧି ପାଏ।
ଏହିପରି ଭାବେ ଭଗବାନ ଶିବ ହେଉଛନ୍ତି ଭକ୍ତି, ଶକ୍ତି ଓ ଆଧ୍ୟାତ୍ମିକତାର ଜୀବନ୍ତ ପ୍ରତୀକ। ତାଙ୍କର କୃପା ସମସ୍ତଙ୍କ ଉପରେ ରହୁ। ଓଁ ନମଃ ଶିବାୟ।