ପ୍ୟାରିସ୍ : ଭାରତୀୟ ଶୁଟର ଅର୍ଜୁନ ବାବୁତା ନିଜର ଚମତ୍କାର ପ୍ରଦର୍ଶନ ଜାରି ରଖି ପୁରୁଷ ୧୦ ମିଟର ଏୟାର ରାଇଫଲ ଇଭେଣ୍ଟର ଫାଇନାଲରେ ପ୍ରବେଶ କରିଛନ୍ତି। ଯୋଗ୍ୟତା ପର୍ଯ୍ୟାୟରେ ଅର୍ଜୁନ ସପ୍ତମ ସ୍ଥାନରେ ରହିଥିଲେ। ସନ୍ଦୀପ ସିଂହ ମଧ୍ୟ ଏହି ଇଭେଣ୍ଟରେ ଅଂଶଗ୍ରହଣ କରିଥିଲେ ମଧ୍ୟ ୬୨୯.୩ ପଏଣ୍ଟ ସହ ରାଙ୍କିଙ୍ଗରେ ଦ୍ୱାଦଶ ସ୍ଥାନରେ ରହିଥିଲେ। ଅର୍ଜୁନଙ୍କ ମୋଟ ୬୩୦.୧ ପଏଣ୍ଟ ଥିଲା।
ଅର୍ଜୁନ ବାବୁତା ଚମତ୍କାର ଆରମ୍ଭ କରି ୧୦.୮ ର ଶ୍ରେଷ୍ଠ ସ୍କୋର ସହ ୧୦୫.୭ ପଏଣ୍ଟ ହାସଲ କରିବାରେ ସଫଳ ହୋଇଥିଲେ। ଦ୍ବିତୀୟ ଶୃଙ୍ଖଳାରେ ମୋଟ ପଏଣ୍ଟରେ ସାମାନ୍ୟ ହ୍ରାସ ଘଟିଥିଲା ଏବଂ ସେ ମାତ୍ର ୧୦୪.୯ ପଏଣ୍ଟ ପାଇଥିଲେ ମଧ୍ୟ ଅର୍ଜୁନ ଶ୍ରେଷ୍ଠ ୮ରେ ରହିବାରେ ସଫଳ ହୋଇଥିଲେ। ୨୯ତମ ସଟ୍ ରେ ସେ ୧୦୫.୫ ପଏଣ୍ଟ ଓ ୧୦.୯ ର ଶ୍ରେଷ୍ଠ ସ୍କୋର ସହ ତୃତୀୟ ଶୃଙ୍ଖଳାରେ ଅଗ୍ରଣୀ ହାସଲ କରିଥିଲେ। ତେବେ ଶୃଙ୍ଖଳାର ବାକି ଶଟ୍ ତାଙ୍କ ଉଚ୍ଚ ମାନଦଣ୍ଡ ପୂରଣ କରିପାରିନଥିଲା ଏବଂ ମାନ୍ୟତାରେ ଷଷ୍ଠ ସ୍ଥାନକୁ ଖସି ଆସିଥିଲା।
ସୂଚନାଯୋଗ୍ୟ ଯେ ଭାରତର ମନୁ ଭାକର ରବିବାର ମହିଳା ଏୟାର ପିସ୍ତର ଇଭେଣ୍ଟରେ ବ୍ରୋଞ୍ଜ ପଦକ ଜିତିଛନ୍ତି ।