ପ୍ରଧାନ ବିଚାରପତି ଜଷ୍ଟିସ ସଞ୍ଜୀବ ଖାନ୍ନା ଏବଂ ବିଚାରପତି ସଞ୍ଜୟ କୁମାରଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ସମ୍ପୂର୍ଣ୍ଣ ଚୟନ ପ୍ରକ୍ରିୟା କଳୁଷିତ ଏବଂ ଦୂଷିତ। ନିଯୁକ୍ତିରେ ହୋଇଥିବା କାରସାଦିକୁ ଘୋଡ଼ାଇବା ପାଇଁ ଉଦ୍ୟମ କରାଯାଇଥିଲା।
ସୂଚନା ଯୋଗ୍ୟ; ୨୦୧୬ରେ ରାଜ୍ୟସ୍ତରୀୟ ଚୟନ ପରୀକ୍ଷାରେ ୨୩ ଲକ୍ଷରୁ ଅଧିକ ପ୍ରାର୍ଥୀ ଉପସ୍ଥିତ ଥିଲେ। ଖାଲି ପଦବୀ ସଂଖ୍ୟା ୨୪,୬୪୦ ଥିଲା, କିନ୍ତୁ ୨୫,୭୫୩ ନିଯୁକ୍ତି ପତ୍ର ପ୍ରଦାନ କରାଯାଇଥିଲା । ବ୍ଲାକ୍ ଓଏମଆର୍ ସିଟ୍ ଦେଇ ଅବଶିଷ୍ଟ ନିଯୁକ୍ତି ପାଇଥିବା ସୂଚନା । ସୁପରନ୍ୟୁମେରିକ୍ ପଦବୀଗୁଡ଼ିକରେ ବେଆଇନ ନିଯୁକ୍ତି ହୋଇଥିଲା ବୋଲି ଅଭିଯୋଗ ହୋଇଥିଲା । ନିଯୁକ୍ତି ପାଇଥିବା ବ୍ୟକ୍ତି ୧୨ ପ୍ରତିଶତ ସୁଧ ସହ ଦରମା ଫେରାଇବାକୁ ସର୍ବୋଚ୍ଚ ଅଦାଲତ ନିର୍ଦ୍ଦେଶ ଦେଇଛନ୍ତି ।