ଯାଜପୁର ବିଧାନସଭା କ୍ଷେତ୍ରରେ ବିଜେପିର ସଦସ୍ୟ ଅଭିଯାନ ନେଇ ସ୍ଵତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ବିଜେପିର ସଦସ୍ୟତା ଅଭିଯାନରେ ସାଂସଦ ରବିନ୍ଦ୍ର ନାରାୟଣ ବେହେରା ଓ ଜିଲ୍ଲା ସଭିପତି ଗୈାତମ ରାୟ ସାମିଲ ହୋଇ ସଦସ୍ୟତା ଗ୍ରହଣ କରିଛନ୍ତି। ଯାଜପୁର ବିଜେପି ପକ୍ଷରୁ ବିଜୁ ପଟ୍ଟନାୟକ କଲ୍ୟାଣ ମଣ୍ଡପରେ ଆୟୋଜିତ ସଦସ୍ୟତା ଅଭିଯାନ କାର୍ଯ୍ୟକ୍ରମରେ ଜିଲ୍ଲା ଉପ ସଭାପତି ସଞ୍ଜୟ କୁମାର ନାୟକ, ଜିଲ୍ଲା ସାଧାରଣ ସଂପାଦକ ସୁଦିପ୍ତ କୁମାର ପଣ୍ଡା, ପ୍ରାକ୍ତନ ବ୍ଲକ ଅଧ୍ୟକ୍ଷ ରମେଶ ଚନ୍ଦ୍ର ସାମଲ,ବରିଷ୍ଠ ନେତା ସୁବାସ ଚନ୍ଦ୍ର ମହାନ୍ତି,୬ନଂ ମଣ୍ଡଳ ସଭାପତି ଅଧର ଚନ୍ମାଦ୍ର ଧଳ, ୫ନଂ ମଣ୍ଡଳ ସଭାପତି ନିରଞ୍ଜନ ସାହୁ, ମଙ୍ଗଳପୁର ସମିତି ସଭ୍ୟାଙ୍କ ସହ ପାଞ୍ଚ ଶହରୁ ଅଧିକ କାର୍ଯ୍ୟକର୍ରତ୍ତା ଉପସ୍ଥିତ ରହି ସଦସ୍ୟତା ଗ୍ରହଣ କରିଛନ୍ତି।
ଏହି ଅବସରରେ ସାଂସଦ ଟୋଲ ଫ୍ରି ନଂ ୮୮୦୦୦୦୨୦୨୪ ମାଧ୍ୟମରେ ସମସ୍ତଙ୍କୁ ସଦସ୍ୟତା ଗ୍ରହଣ କରାଇଥିଲେ। ସେ କହିଛନ୍ତି ସଦସ୍ୟ ସଂଗ୍ରହ ଅଭିଯାନ ବଢ଼ିଥିଲେ ବି ଆଗକୁ ଆହୁରି ବଢ଼ିବ । ଆଗାମୀ ୫ ବର୍ଷରେ ନୂଆ ଓଡ଼ିଶା ଓ ସମୃଦ୍ଧ ଓଡ଼ିଶା ଗଠନ କରିବା । ବିଜେପି ରାଜନୈତିକ ଘୋଷଣାପତ୍ର ପ୍ରତିଶ୍ରୁତି ଅନୁସାରେ କ୍ଷମତାକୁ ଆସିଛି। ସରକାର ପରିବର୍ତ୍ତନ ହୋଇଛି । ରାଜ୍ୟରେ ବିଜେପି ସରକାର ଆସିବ ଦ୍ଵାରା ସାଢ଼େ ୪ କୋଟି ଲୋକ ଖୁସି ଅଛନ୍ତି । ମୋଦିଙ୍କ ପୂର୍ବୋଦୟ ଲକ୍ଷ୍ୟ ଓଡ଼ିଶାରୁ ହିଁ ଆରମ୍ଭ ହୋଇଛି । ମହିଳା ସଶକ୍ତୀକରଣ ପାଇଁ ୧୭ରେ ସୁଭଦ୍ରା ଯୋଜନା ଆରମ୍ଭ ହେବାକୁ ଯାଉଛି । ୧ ଲକ୍ଷ ମହିଳାଙ୍କ ଉପସ୍ଥିତିରେ ଯୋଜନା ଶୁଭାରମ୍ଭ କରିବେ ପ୍ରଧାନମନ୍ତ୍ରୀ ନରେନ୍ଦ୍ରମୋଦୀ।
ସେହିପରି ବିଜେପିର ସଦସ୍ୟତା ଅଭିଯାନ କାର୍ଯ୍ୟକ୍ରମରେ ଜିଲ୍ଲା ସଭାପତି ଗୈାତମ ରାୟ କହିଛନ୍ତି ବିଜେପର ସଦସ୍ୟ ହୋଇ ଆମେ ଗର୍ବିତ । ବିଜେପିର ସଦସ୍ୟତା ଅଭିଯାନରେ ସମାଜର ସବୁବର୍ଗ ଓ ସବୁସ୍ତରର ଲୋକଙ୍କୁ ସାମିଲ କରିବା ପାଇଁ ଲକ୍ଷ୍ୟ ରଖିଛି ବିଜେପି । ଘରକୁ ଘର ଯାଇ ଅଭିଯାନକୁ ସଫଳ କରିବାକୁ କାର୍ଯ୍ୟକର୍ପ୍ରତ୍ତାଙ୍କୁ ପରାମର୍ଶ ଦେଇଥିଲେ।
ବିଜେପିର ପ୍ରତି ୬ ବର୍ଷରେ ଥରେ ପ୍ରାଥମିକ ସଦସ୍ୟତା ଅଭିଯାନ ହୋଇଥାଏ । ଏହି ଅଭିଯାନରେ ସମାଜର ସବୁବର୍ଗର ଓ ସବୁସ୍ତରର ଲୋକ ଏଥିରେ ସାମିଲ କରିବା ପାଇଁ ଲକ୍ଷ୍ୟ ରଖିଛି ବିଜେପି । ଏହି ଅଭିଯାନରେ ୧୮ ବର୍ଷରୁ ଅଧିକ ହୋଇଥିଲେ ବିଜେପିରେ ସାମିଲ ହୋଇ ପାରିବେ । ଉଭୟ ଅନ ଲାଇନ ଏବଂ ଅଫ ଲାଇନ ମାଧ୍ୟମରେ ସଦସ୍ୟ ହୋଇପାରିବେ । ନମୋ ଆପ୍ , କ୍ୟୁଆର କୋର୍ଡ ସହିତ ବିଜେପିର ପ୍ରତ୍ୟେକ କାର୍ଯ୍ୟକର୍ତ୍ତା ଘରକୁ ଘର ଯାଇ ସଦସ୍ୟତା ଅଭିଯାନକୁ ସଫଳ କରିବା ପାଇଁ ନିବେଦନ ରଖିଥିଲେ ଜିଲ୍ଲା ସଭାପତି ଗୈାତମ ରାୟ।